നിലമ്പൂര് : സോഷ്യല് മീഡിയയിലൂടെ പരിചയപ്പെട്ട യുവതിയുടെ നഗ്നഫോട്ടോകളും വീഡിയോയും കൈക്കലാക്കി ഭീഷണിപ്പെടുത്തി പീഡിപ്പിക്കുകയും പണം തട്ടാന് ശ്രമിക്കുകയും ചെയ്ത കേസില് തിരുവനന്തപുരം പുനലാല് ചക്കിപ്പാറ സ്വദേശി ലെനിന്രാജ് ഭവനില് ഷുഹൈബിനെ(23) നിലമ്പൂര് പോലീസ് അറസ്റ്റ് ചെയ്തു.
വ്യാജ ഇന്സ്റ്റഗ്രാം അക്കൗണ്ട് വഴി യുവതിയെ പരിചയപ്പെട്ട പ്രതി നഗ്നഫോട്ടോകളും വീഡിയോയും കൈക്കലാക്കി. ഇവ സോഷ്യല് മീഡിയ വഴി പ്രചരിപ്പിക്കുമെന്ന് ഭീഷണിപ്പെടുത്തി മൂന്നുമാസം മുമ്ബ് ഓട്ടോറിക്ഷയില് കയറ്റിക്കൊണ്ടു പോയി പീഡിപ്പിച്ചു. പിന്നീട് പണം ആവശ്യപ്പെട്ടും ഭീഷണി തുടര്ന്നപ്പോള് യുവതി പോലീസില് അറിയിക്കുകയായിരുന്നു. ഉപ്പടയിലുള്ള ഭാര്യാവീടിനു സമീപം വച്ചാണ് പ്രതിയെ കസ്റ്റഡിയിലെടുത്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.