ശ്രീകണ്ഠപുരം : കനത്ത മഴ കാരണം രാത്രി വീട്ടില് പോകാന് ഓട്ടോറിക്ഷ വിളിച്ച ഭര്തൃമതിയെ പീഡിപ്പിക്കാന് ശ്രമിച്ച ഓട്ടോഡ്രൈവര്മാര് അറസ്റ്റില്. ഏരുവേശി പുറഞ്ഞാണിലെ നെടുംതുണ്ടത്തില് റോണി സെബാസ്റ്റ്യന് (32), പുലിക്കുരുമ്പയിലെ ക്ലാംപറമ്പില് ഷാരോണ് ഷാജി (25) എന്നിവരെയാണ് തളിപ്പറമ്പ് ഡി.വൈ.എസ്.പി എം.പി വിനോദിന്റെ നിര്ദേശപ്രകാരം കുടിയാന്മല എസ്.ഐമാരായ കെ.കെ രാധാകൃഷ്ണന്, എന്.ജെ ജോസ് എന്നിവര് അറസ്റ്റ് ചെയ്തത്. ഇരുവരും പുറഞ്ഞാണിലെ ഓട്ടോഡ്രൈവര്മാരാണ്. കഴിഞ്ഞ 27ന് രാത്രിയാണ് കേസിനാസ്പദമായ സംഭവം. രണ്ടുപേരെയും കോടതി റിമാന്ഡ് ചെയ്തു.
