23.2 C
Pathanāmthitta
Tuesday, November 30, 2021 2:06 am
Advertisment

മകളെ രണ്ട് വര്‍ഷക്കാലത്തോളം നിരന്തരമായി പീഡിപ്പിച്ച പിതാവിന് വധശിക്ഷ

ലക്‌നൗ : പതിനാല് വയസ്സുകാരിയായ മകളെ രണ്ട് വര്‍ഷക്കാലത്തോളം നിരന്തരമായി പീഡിപ്പിച്ച പിതാവിന് വധശിക്ഷ വിധിച്ച്‌ ഉത്തര്‍ പ്രദേശ് കോടതി. ഉത്തര്‍ പ്രദേശിലെ ബഹ്‌റൈച്ചിലെ ജില്ലാ കോടതിയാണ് ശിക്ഷ വിധിച്ചത്. ഏഴു ദിവസം കൊണ്ട് വിചാരണ പൂര്‍ത്തിയാക്കി അഡീഷണല്‍ സെഷന്‍സ് ജഡ്ജ് നിതിന്‍ പാണ്ഡെയാണ് വിധി പറഞ്ഞത്.

പെണ്‍കുട്ടിയുടെ മാതാവിന്റെ പരാതിയില്‍ പിതാവ് നന്നു ഖാനെയാണ് വധശിക്ഷക്ക് വിധിച്ചത്. തന്റെ മകളെ രണ്ട് വര്‍ഷത്തോളം നിരന്തരമായി ഭര്‍ത്താവ് പീഡിപ്പിക്കുകയായിരുന്നുവെന്ന് ചൂണ്ടിക്കാട്ടി പെണ്‍കുട്ടിയുടെ മാതാവാണ് പോലീസില്‍ പരാതി നല്‍കിയത്. ഈ വര്‍ഷം ആഗസ്റ്റ് 25 ന് കേസ് രജിസ്റ്റര്‍ ചെയ്ത പോലീസ് പതിനൊന്നു ദിവസം കൊണ്ട് അന്വേഷണം പൂര്‍ത്തിയാക്കി.

തന്റെ പിതാവ് സഹോദരിയെ പീഡിപ്പിക്കുന്നതിന് രണ്ട് മൂന്ന് തവണ താന്‍ ദൃസാക്ഷിയായിരുന്നുവെന്ന് പെണ്‍കുട്ടിയുടെ സഹോദരന്‍ വിചാരണ വേളയില്‍ വെളിപ്പെടുത്തിയിരുന്നു. പെണ്‍കുട്ടിയുടെ നഗ്‌ന ചിത്രമെടുത്ത പിതാവ് അതുവെച്ച്‌ കുട്ടിയെ ബ്ലാക്ക് മെയില്‍ ചെയ്തിരുന്നുവെന്നും പറയുന്നു. വിവരം മാതാവിനോട് പറഞ്ഞതിന് പെണ്‍കുട്ടിയെയും മാതാവിനെയും പിതാവ് മര്‍ദിക്കുകയും ചെയ്തു.

- Advertisment -
Advertisment
Advertisment
- Advertisment -
- Advertisment -

Most Popular