പെൺകുട്ടിയെ ഒഡീഷയിലേക്ക് തട്ടിക്കൊണ്ടു പോയി പീഡനം ; പ്രതിയെ ഒഡീഷയിൽ നിന്ന് അറസ്റ്റ് ചെയ്ത് കോടനാട് പോലീസ്

പെരുമ്പാവൂർ : അതിഥിത്തൊഴിലാളിയുടെ പ്രായപൂർത്തിയാകാത്ത മകളെ ഒഡീഷയിലേക്ക് തട്ടിക്കൊണ്ടു പോയി പീഡിപ്പിച്ച പ്രതി 2 വർഷത്തിനു ശേഷം പിടിയിൽ. ഒഡീഷ റായിഗഡ സ്വദേശി ജയാസൻ ബാഗിനെയാണ് (കിഷൻ 27) കോടനാട് പോലീസ് ഒഡീഷയിൽ നിന്ന് അറസ്റ്റ് ചെയ്തത്.2019 ഒക്ടോബറിലാണ് സംഭവം. കോടനാട് ഇൻസ്പെക്ടർ സജി മർക്കോസ്, എസ്ഐ രാജേന്ദ്രൻ, എഎസ്ഐമാരായ ജി.ലാൽ, പ്രദീപ് കുമാർ, സിപിഒ നജാഷ് എന്നിവരാണ് അന്വേഷണ സംഘത്തിലുണ്ടായിരുന്നത്.