തിരുവനന്തപുരം : കോൺവെന്റ് ഹോസ്റ്റലില് താമസിച്ച് പഠിക്കുന്ന പ്രായപൂർത്തിയാകാത്ത മൂന്ന് പെൺകുട്ടികളെ ബലം പ്രയോഗിച്ച് മദ്യം നൽകി പീഡിപ്പിച്ചെന്ന കേസില് മൂന്നുപേർ പിടിയിൽ. വലിയതുറ സ്വദേശികളാണ് കഠിനംകുളം പോലീസിന്റെ പിടിയിലായത്. ഇവര്ക്കെതിരെ പോക്സോ നിയമപ്രകാരം കേസ് എടുത്തു. ബുധനാഴ്ച രാത്രിയിൽ സംശയകരമായി കണ്ട ബൈക്ക് കേന്ദ്രീകരിച്ച് പരിശോധിക്കുന്നതിനിടെ മൂവരും കോൺവെന്റിന്റെ മതിൽ ചാടി പോലീസിനു മുന്നിലെത്തുകയായിരുന്നു. സമൂഹ മാധ്യമത്തിലൂടെ പെൺകുട്ടികളെ പരിചയപ്പെട്ട ഇവർ പെൺകുട്ടികൾ താമസിക്കുന്ന മുറിയിലെത്തി മദ്യം നൽകി പീഡിപ്പിച്ചു എന്നാണ് പരാതി. പെണ്കുട്ടികളുടെ മൊഴിയിലാണ് പോലീസ് കേസ് എടുത്തത്.
