പത്തനംതിട്ട: സാമൂഹ്യപ്രവർത്തകൻ റഷീദ് ആനപ്പാറ നേത്രുത്വം നല്കുന്ന “റഷീദിന്റെ സുഹൃത്തുക്കൾ” എന്ന പേരിലുള്ള വാട്സ്ആപ്പ് ഗ്രൂപ്പിന്റെ ഒന്പതാമത് വാർഷികവും സൗഹൃദ കുടുംബ സംഗമവും പത്തനംതിട്ടയിൽ മന്ത്രി വീണാ ജോർജ്ജ് ഉത്ഘാടനം ചെയ്തു. കേരള ഹൈക്കോടതി മുൻ ജസ്റ്റീസ് പി.എസ്.ഗോപിനാഥൻ, മുൻ വിവരാവകാശ കമ്മീഷണർ പി.എൻ. വിജയകുമാർ എന്നിവർ മുഖ്യപ്രഭാഷണം നടത്തി. പത്തനംതിട്ട നഗരസഭാ മുൻ ചെയർമാൻ പി.കെ. ജേക്കബ് അധ്യക്ഷത വഹിച്ചു.
പത്തനംതിട്ട ജില്ലാ പഞ്ചായത്തംഗം റോബിൻ പീറ്റർ, സ്പോർട്സ് കൗൺസിൽ പ്രസിഡന്റ് കെ അനിൽകുമാർ, പത്തനംതിട്ട നഗരസഭ മുൻ ചെയർപേഴ്സൺ രജനി പ്രദീപ്, നഗരസഭ കൗൺസിലർ അംബിക വേണു, മുൻ കൗൺസിലർ വി. മുരളീധരൻ, അലങ്കാർ അഷറഫ്, ജോർജ് വർഗീസ് തെങ്ങുംതറയിൽ, ശശികുമാർ തുരുത്തിയിൽ, സിബി മോൾ, ഷീജ, സുശീല, റ്റി.വി. മിത്രൻ, സുനിത കോഴിക്കോട് എന്നിവർ പ്രസംഗിച്ചു. കേരളത്തിലെ 14 ജില്ലകളിൽ നിന്നുമുള്ള ഗ്രൂപ്പിൽ പെട്ട 450 ലധികം അംഗങ്ങള് പരിപാടിയിൽ പങ്കെടുത്തു. അംഗങ്ങളുടെ കലാകായിക പരിപാടികൾ നടന്നു. വൈകുന്നേരം 4 മണിക്ക് നടന്ന സമാപന സമ്മേളനം ജസ്റ്റിസ് പി എസ് ഗോപിനാഥൻ ഉദ്ഘാടനം ചെയ്തു. ജസ്റ്റിസ് പി എൻ വിജയകുമാർ സമ്മാനദാനം നിര്വഹിച്ചു.
