റാന്നി : അത്തിക്കയം – മടന്തമണ് റോഡിന് സമീപം തോടും റോഡുപുറമ്പോക്കും കൈയ്യേറി കെട്ടിയെടുത്തതായി പരാതി. നാറാണംമൂഴി ഗ്രാമ പഞ്ചായത്ത് സെക്രട്ടറിക്ക് മടന്തമണ് വനത്തുംമുറി സ്വദേശി പുത്തന്പറമ്പില് സജി ജോര്ജ് ഇതു സംബന്ധിച്ച് പരാതി നല്കി. പ്രധാന റോഡിന്റെയും കണ്ണമ്പള്ളിയില് നിന്നുള്ള നീരൊഴുക്ക് തോടിന്റെയും വശങ്ങള് വനത്തുംമുറി കാരം വീട്ടില് നിര്മ്മല കൈയ്യേറിയെന്നാണ് പരാതി. വൈദ്യുതി തൂണ് ഒഴിവാക്കി ബാക്കി വശങ്ങള് കെട്ടിയെടുത്തിരിക്കുകയാണ്. തോട്ടില് മഴക്കാലത്ത് കുത്തൊഴുക്ക് ഉണ്ടാകുമ്പോള് വെള്ളം ഒഴുകിപോകാതെ കെട്ടി നിന്ന് റോഡിന്റെ വശം ഇടിയുവാന് സാധ്യതയേറെയാണെന്ന് പരാതിയില് ചൂണ്ടിക്കാട്ടുന്നു. പൊതുമരാമത്ത്, പഞ്ചായത്ത് വക വസ്ഥുക്കള് കൈയ്യേറിയത് തിരിച്ചു പിടിച്ച് കൈയ്യേറ്റക്കാര്ക്കെതിരെ നടപടി സ്വീകരിക്കണമെന്നും പരാതിയില് പറയുന്നു
