കൈപ്പട്ടൂർ: കൈപ്പട്ടൂര് ഗവ.വി.എച്ച്.എസ്.എസ്. നാഷണൽ സർവീസ് സ്കീമിന്റെ നേതൃത്വത്തിൽ സംഘടിപ്പിച്ച വായനാദിനം വിപുലമായ പരിപാടികളോടെ ആചരിച്ചു. അധ്യാപകനും എഴുത്തുകാരനുമായ പ്രീത് ജി.ജോർജ്ജ് ചന്ദനപ്പള്ളി പരിപാടി ഉദ്ഘാടനം ചെയ്തു. സ്കൂൾ ഹെഡ്മിസ്ട്രസ് രാധികാ ദേവി അധ്യക്ഷത വഹിച്ചു. പ്രിൻസിപ്പൽ സജിത ബീവി സ്വാഗതം ആശംസിച്ചു. സ്കൂള് പി.റ്റി.എ. പ്രസിഡണ്ടും എഴുത്തുകാരനുമായ ജോൺസൺ മാമനെ ചടങ്ങില് ആദരിച്ചു. തുടർന്ന് വിദ്യാർത്ഥികൾക്കായി വായനാദിനവുമായി ബന്ധപ്പെട്ട പ്രശ്നോത്തരി മത്സരം സംഘടിപ്പിച്ചു. വിവിധ പുസ്തകങ്ങങ്ങളുടെ വൈവിധ്യമായ ശേഖരണം ഒരുക്കി പുസ്തക പ്രദർശനവും നടന്നു. എൻ.എസ്.എസ്. പ്രോഗ്രാം ഓഫീസർ ഷാജി ജോർജ് പി. കൃതജ്ഞത രേഖപ്പെടുത്തി. അധ്യാപകരും നിരവധി വിദ്യാർത്ഥികളും രക്ഷിതാക്കളും പങ്കെടുത്ത പരിപാടി തികച്ചും ശ്രദ്ധേയമായി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
