ചെങ്ങന്നൂര്: പുലിയൂര് ജ്ഞാനപ്രദായിനി ഗ്രന്ഥശാലയും പേരിശ്ശേരി ഗവ.യൂ.പി സ്കൂളും സംയുക്തമായി വായനാ ദിനാചരണവും പി.എന് പണിക്കര് അനുസ്മരണവും നടത്തി. പുലിയൂര് ഗ്രാമപഞ്ചായത്ത് പ്രസിഡന്റ് എം.ജി ശ്രീകുമാര് ഉദ്ഘാടനം ചെയ്തു. ഗ്രന്ഥശാല പ്രസിഡന്റ് കെ.ജി രാമകൃഷ്ണന് അധ്യക്ഷത വഹിച്ചു. അധ്യാപകനും ഗ്രന്ഥകാരനുമായ എം.എന്.പി നമ്പൂതിരി പി.എന് പണിക്കര് അനുസ്മരണ പ്രഭാഷണം നടത്തി.
സംസ്ഥാന ലൈബ്രറി കൗണ്സില് വിദ്യാര്ത്ഥികളിലെ വായന ശീലം വളര്ത്തുന്നതിനും ലൈബ്രറി പ്രവര്ത്തനങ്ങളില് പങ്കാളികളാകന് പ്രോത്സാഹിപ്പിക്കുന്നതിനു വേണ്ടി നടപ്പാക്കുന്ന സ്കൂളുകളില് എഴുത്തുപെട്ടി പരിപാടിയുടെ ഉദ്ഘാടനം ഗ്രന്ഥശാല സെക്രട്ടറി അഡ്വ. ഡി.നാഗേഷ് കുമാര് നിര്വഹിച്ചു. സ്കൂള് പ്രഥമ അധ്യാപകന് ജോണ് ജേക്കബ്, എസ്.എം.സി ചെയര്മാന് സാജന് ബേബി, ഗ്രന്ഥശാല ഭരണസമിതിയംഗങ്ങളായ ജി.മനു പുലിയൂര്, സനില് പി. ഗോപാല് സ്കൂള് അധ്യാപിക വി.ആര് സരിത ഗ്രന്ഥശാല ലൈബ്രേറിയന് സി.കെ ഉത്തമന് തുടങ്ങിയവര് സംസാരിച്ചു.
