ആലപ്പുഴ : കുട്ടനാട്ടിലെ നോട്ടിന് വോട്ട് ആരോപണത്തില് പ്രചരിക്കുന്ന ദൃശ്യങ്ങള് വ്യാജമാണെന്ന് യുഡിഎഫ് സ്ഥാനാര്ഥി റെജി ചെറിയാന്. പ്രചരിക്കുന്ന ദൃശ്യങ്ങള് ഒക്ടോബര് രണ്ടിന് ചിത്രീകരിച്ചതാണ്. അര്ബുദ രോഗിക്ക് ചെറിയ സഹായം എന്ന നിലയില് പണം നല്കിയതാണ് പ്രചരിക്കുന്നത്. ഇതിന്റെ വീഡിയോയില് നിന്ന് ഒരുഭാഗം അടര്ത്തിയെടുത്താണ് വോട്ടിന് പണം എന്ന രീതിയില് എതിര് സ്ഥാനാര്ഥിയും സംഘവും പ്രചരിപ്പിച്ചതെന്ന് റെജി ചെറിയാന് പറഞ്ഞു. വീഡിയോയുടെ പൂര്ണരൂപവും റെജി ചെറിയാന് പുറത്തുവിട്ടു. നാല് മിനിറ്റ് 32 സെക്കന്ഡ് ദൈര്ഘ്യമുള്ള വീഡിയോയാണ് റെജി ചെറിയാന് പുറത്തുവിട്ടത്.
ഇതില് ഒരാള്ക്ക് പണം നല്കുന്ന ദൃശ്യങ്ങളുണ്ട്. ഇത് ഒക്ടോബര് രണ്ടാം തീയതി കാവാലത്ത് നടന്ന പരിപാടിയാണെന്നും അര്ബുദ രോഗിക്ക് സഹായം എന്ന നിലയിലാണ് പണം നല്കിയതെന്നും റെജി ചെറിയാന് പറയുന്നു. ഇതാണ് എല്ഡിഎഫ് അടര്ത്തിയെടുത്ത് വോട്ടിന് നോട്ട് എന്ന നിലയില് പ്രചരിപ്പിച്ചതെന്നും റെജി ചെറിയാന് പറഞ്ഞു.
