ഇടുക്കി : ഉപ്പുതറയിൽ ഭർതൃവീട്ടിൽ ആത്മഹത്യ ചെയ്ത യുവതിയുടെ മരണത്തില് ദുരൂഹതയെന്ന് ആരോപിച്ചു ബന്ധുക്കള് പോലീസില് പരാതി നല്കി. പത്തു മാസം മുമ്പ് വിവാഹിതയായ എം.കെ. ഷീജ ഇന്നലെ രാവിലെയാണ് വീടിനുള്ളിൽ തൂങ്ങി മരിച്ചത്. ഭർത്താവ് ജോബിഷ് നിരന്തരമായി ഉപദ്രവിക്കാറുണ്ടെന്നും ഭർത്താവിന്റെ മാതാപിതാക്കളും തന്നോട് വഴക്കാണെന്നും ഷീജ പറഞ്ഞിരുന്നതായി സഹോദരൻ.
ഷീജയുടെ മരണം സംശയം ഉണ്ടാക്കുന്നുവെന്നും മരണവുമായി ബന്ധപ്പെട്ട് പോലീസിൽ പരാതി നൽകുമെന്നും ബന്ധുക്കൾ പറഞ്ഞു. ഇയാള് മദ്യപിച്ചെത്തി ഷീജയുമായി വഴക്കുണ്ടാക്കുന്നത് പതിവായിരുന്നുവെന്നും ബന്ധുക്കള്. പോലീസും തഹസിൽദാരും ഉപ്പുതറ ആശുപത്രിയിലെത്തി നടപടികൾ പൂർത്തിയാക്കി. മൃതദേഹം ഇപ്പോൾ പോസ്റ്റുമോർട്ടത്തിനായി ഇടുക്കി മെഡിക്കൽ കോളേജിലാണ്. നടപടികൾ പൂർത്തിയാക്കി ബന്ധുക്കൾക്ക് വിട്ട് നൽകും.