കൊച്ചി : ഫെബ്രുവരി ഒന്നിന് കാലാവധി അവസാനിച്ച ഡ്രൈവിങ് ലൈസൻസുകൾ പുതുക്കാൻ ജൂൺ മുപ്പത് വരെ സമയം. വാഹനത്തിൻറെ രജിസ്ട്രേഷൻ പുതുക്കാനും മൂന്നു മാസത്തെ സമയം അനുവദിച്ചിട്ടുണ്ട്. കേന്ദ്ര ഗതാഗത മന്ത്രാലയമാണ് ഇതു സംബന്ധിച്ച നിർദേശം നൽകിയിരിക്കുന്നത്. വാഹനങ്ങളുടെ ഫിറ്റ്നസ് രേഖ പുതുക്കാനും ഇത് ബാധകമാകും. ലോക്ക് ഡൌൺ മൂലം രേഖകൾ പുതുക്കാൻ ആളുകൾക്ക് കഴിയാത്തത് പ്രതിസന്ധി സൃഷ്ടിച്ചിരിയ്ക്കുന്നതിനെ തുടർന്നാണ് നടപടി.
അതേസമയം വാഹന ഇൻഷുറൻസ് പുതുക്കുന്നതിന് ഇളവുകൾ ഇല്ല. ഇൻഷുറൻസ് കാലാവധി തീർന്നവർ ഓൺലൈനിലൂടെ ഇത് പുതുക്കണം. ഏജൻറുമാർ, ഡീലർമാർ എന്നിവരെ വിളിച്ചും ഇതു ചെയ്യാം. വാഹന ഇൻഷുറൻസ് പുതുക്കിയിട്ടില്ല എങ്കിൽ അപകടങ്ങൾക്ക് ഇൻഷുറൻസ് ലഭിയ്ക്കില്ല എന്ന് ഓർക്കുക.
