പത്തനംതിട്ട : സംസ്ഥാന മന്ത്രിമാരുടെ സ്റ്റാഫ് നിയമനങ്ങളിൽ സാംബവ സമുദായത്തിന് അർഹമായ പ്രാതിനിധ്യം ഉറപ്പ് വരുത്തണമെന്ന് സാംബവ മഹാസഭ ജില്ലാ പ്രവർത്തകയോഗം ആവശ്യപ്പെട്ടു. രാജ്യത്ത് തുടക്കമിട്ട സെൻസസിൽ ജാതി സാമൂഹിക സാമ്പത്തിക വിവര ശേഖരണം നിർബന്ധമാക്കണമെന്നും സമ്മേളനം ആവശ്യപ്പെട്ടു. കൺവൻഷൻ സംസ്ഥാന പ്രസിഡന്റ് സി.കെ ശശി ഉത്ഘാടനം ചെയ്തു. സംസ്ഥാന ട്രഷറർ ഇ. എസ് ഭാസ്ക്കരൻ അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറി രാമചന്ദ്രൻ മുല്ലശ്ശേരി സംഘടനാ റിപ്പോർട്ട് അവതരിപ്പിച്ചു.
സംസ്ഥാന വൈസ് പ്രസിഡന്റ് ഉദയൻ കരിപ്പാലിൽ, സംസ്ഥാന ജോയിന്റ് സെക്രട്ടറിമാരായ സി. കെ രാജേന്ദ്രപ്രസാദ്, ആർ. വിജയകുമാരി, വനിതാ സമാജം സംസ്ഥാന ജനറൽ സെക്രട്ടറി ബിന്ദു സുരേഷ്, ഉദ്യോഗസ്ഥ ഫോറം സംസ്ഥാന പ്രസിഡന്റ് രാജൻ കെ. തിരുവല്ല, ജനറൽ സെക്രട്ടറി ഡി. മനോജ് കുമാർ, സംസ്ഥാന എക്സിക്യൂട്ടീവ് അംഗങ്ങളായ എൻ പ്രദീപ് കുമാർ, ജെ. രാജ്മോഹൻ, പി. കെ. സജികുമാർ, പന്തളം യൂണിയൻ പ്രസിഡന്റ് പി. കെ ഗോപാലകൃഷ്ണൻ, സെക്രട്ടറി പ്രജീഷ് കുമാർ എന്നിവർ പ്രസംഗിച്ചു.
