കോന്നി : ഇരുപത്തിയൊന്ന് വയസ് പൂര്ത്തിയായപ്പോള് അരുവാപ്പുലം ഗ്രാമപഞ്ചായത്ത് തിരഞ്ഞെടുപ്പില് നോമിനേഷന് നല്കി വിജയിച്ച സംസ്ഥാനത്തെ ഏറ്റവും പ്രായംകുറഞ്ഞ പ്രസിഡന്റായ രേഷ്മ മറിയം റോയിയും ഇതേ ബ്ലോക്ക് ഡിവിഷന് അംഗം വര്ഗീസ് ബേബിയും വിവാഹിതരാകുന്നു.
ഇരുവരുടേയും ബന്ധുക്കളുടെ സമ്മതത്തോടെ ഡിസംബര് 26ന് പൂങ്കാവ് രാജീവ്ഗാന്ധി ഇന്ഡോര് സ്റ്റേഡിയത്തില് വെച്ചാണ് വിവാഹ ചടങ്ങുകള്. അരുവാപ്പുലം ഊട്ടുപാറ ബാര്ലിവടക്കേതില് പി എം ബേബിയുടേയും സാറാമ്മ ബേബിയുടേയും മകനാണ് വര്ഗീസ് ബേബി. ഊട്ടുപാറ തുണ്ടിയാംകുളത്ത് റോയിയുടേയും മിനിയുടേയും മകളായ രേഷ്മ മറിയം റോയി ഡി വൈ എഫ് ഐ ജില്ലാ കമ്മറ്റിയംഗം കൂടിയാണ്.
