റിയാദ് : വ്യവസായ നഗരത്തില് വന് തീപിടിത്തം. തൊഴിലാളികളായ 15 പേര്ക്ക് പരിക്കേറ്റു. മണിക്കൂറുകള് നീണ്ട തീവ്ര പരിശ്രമത്തിലൂടെ സൗദി സിവില് ഡിഫന്സിന്റെ മേല്നോട്ടത്തില് അഗ്നിശമന സേന തീ നിയന്ത്രണ വിധേയമാക്കി.
ചൊവ്വാഴ്ച പുലര്ച്ചെ 12.16നാണ് തീപിടിത്തമുണ്ടായത്. ഉടന് തന്നെ വിവരം റെഡ് ക്രസന്റ് കണ്ട്രോള് റൂമില് അറിയിച്ചു. ഉടനടി സിവില് ഡിഫന്സ് രക്ഷാപ്രവര്ത്തനം നടത്തിയത് കൊണ്ടാണ് ആളപായം കുറച്ചത്. പരിക്കേറ്റവരില് രണ്ടുപേരെ റിയാദിലെ കിങ് സഊദ് ആശുപത്രിയില് പ്രവേശിപ്പിച്ചു.
