പാറശാല : മഴയില് പാറശാല നെടുവാന്വിള ചാനല് ബണ്ട് റോഡ് തകര്ന്നു. നെടുവന്വിള ചാനല് ഗ്രൗണ്ടില് നിന്ന് മച്ചിങ്ങത്തോട്ടത്തേക്ക് പോകുന്ന റോഡിന്റെ നൂറ് മീറ്ററോളമാണ് തകര്ന്നത്. ഗ്രൗണ്ടിലെ മഴവെള്ളം റോഡിലൂടെ എത്തി ചാനലിലേക്ക് പതിച്ചതാണ് റോഡ് തകരാൻ കാരണം. ഇതുവഴിയുള്ള വാഹന ഗതാഗതവും കാല്നടയാത്രയും അപകട ഭീഷണിയാണ്.
പാറശാലയിലെ നെയ്യാര് ഇറിഗേഷന് ഓഫീസിനടുത്തായിട്ടാണ് ചാനല് ബണ്ട് റോഡ് തകര്ന്നത്. അടിയന്തരമായി റോഡ് പുനര് നിര്മ്മിക്കുന്നതിനായി നടപടി വേണമെന്നതാണ് നാട്ടുകാരുടെ ആവശ്യം. പാറശാല ബ്ലോക്ക് പഞ്ചായത്ത് പ്രസിഡന്റ് എസ്.കെ. ബെന് ഡാര്വിനും സംഘവും സ്ഥലം സന്ദര്ശിച്ചു.
