തിരുവല്ല : ഓതറ തൈമറവുങ്കരയിൽ കവർച്ച. കള്ളന് വീട്ടമ്മയെ അടിച്ചുവീഴ്ത്തി രക്ഷപ്പെട്ടു. തുണ്ടിയുഴത്തിൽ പുഷ്പയ്ക്കാണ് അടിയേറ്റത്. ഇവരുടെ ഭർത്തൃമാതാവ് ശാന്തമ്മ (72) യുടെ രണ്ടുപവൻ മാലയാണ് കവർന്നത്. വെള്ളിയാഴ്ച പുലർച്ചെയാണ് സംഭവം. നാലുമണിയോടെ വീടിന്റെ പിൻവശത്തെ വാതിൽ തുറന്ന് പുഷ്പ പുറത്തിറങ്ങിയിരുന്നു. തിരികെ കയറുമ്പോൾ ശാന്തമ്മയുടെ മുറിയിൽ അനക്കം കേള്ക്കുകയായിരുന്നു.
