കൊച്ചി : ട്രെയിൻ യാത്രക്കാരുമായി സൗഹൃദം സ്ഥാപിച്ച് മൊബൈല് ഫോണും പണവും കവര്ച്ച നടത്തിയയാള് പോലീസ് പിടിയില്. വര്ക്കല ചെമ്മരുതി സ്വദേശി തൊണ്ടുവിള വീട്ടില് മനുവിനെയാണ് എറണാകുളം റെയില്വേ പോലീസ് പിടികൂടിയത്.
കൊല്ലം സ്വദേശിയുമായി സൗഹൃദം സ്ഥാപിച്ച് ഗൂഗിള് പേ വഴി 15,000 രൂപ തട്ടിയെടുക്കുകയും പിന്നീട് ഇയാളുടെ മൊബൈല് മോഷ്ടിക്കുകയും ചെയ്ത കേസിലാണ് അറസ്റ്റ്. മൊബൈല് ഫോണുകള് മോഷ്ടിച്ചതിന് രണ്ട് കേസുകള് കൂടി പ്രതിക്കെതിരെ രജിസ്റ്റര് ചെയ്തിട്ടുണ്ട്.
