ആർഎസ്പി ആറന്മുള നിയോജകമണ്ഡലം സമ്മേളനം നടന്നു

പത്തനംതിട്ട: സ്വന്തമായി ആസ്ഥാനമന്ദിരം ഇല്ലാത്ത ജില്ലാ പിഎസ്സി ഓഫീസിൻറെയും കോടതി സമുച്ചയത്തിൻറെയും നിർമ്മാണം അധികൃതർ കണ്ടെത്തിയെന്നു പറയുന്ന സ്ഥലത്തു തുടങ്ങാൻ ആറന്മുളയിലെ ജനപ്രതിനിധിയും ബന്ധപ്പെട്ട അധികാരികളും മുൻകൈയെടുക്കണമെന്ന് ആർ എസ് പി മണ്ഡലം സമ്മേളനം പ്രമേയത്തിലൂടെ ആവശ്യപ്പെട്ടു. ടി എം സുനിൽ കുമാർ അധ്യക്ഷത വഹിച്ച സമ്മേളനം സംസ്ഥാന കമ്മിറ്റി അംഗം ആർ എം ഭട്ടതിരി ഉദ്ഘാടനം ചെയ്തു. ജില്ലാ സെക്രട്ടറി കെ എസ് ശിവകുമാർ, തോമസ് ജോസഫ്, ജോൺസ് യോഹന്നാൻ, ഷാഹിദ ഷാനവാസ്, അബ്ദുൽ ഹക്കീം, എ ഹുസൈൻ, എ എം ഇസ്മയിൽ, എൻ സുരേഷ് കുമാർ എന്നിവർ സംസാരിച്ചു. സമ്മേളനത്തിൽ ഷാഹിദ ഷാനവാസിനെ മണ്ഡലം സെക്രട്ടറിയായി തെരഞ്ഞെടുത്തു.