മഞ്ചേശ്വരം: ആര്എസ്എസ് അനുകൂല ജാതി സംഘടനയുടെ പരിപാടിയില് മഞ്ചേശ്വരം എംഎല്എ എ കെ എം അഷറഫ് പങ്കെടുത്തതില് വിവാദം. ഹൊസങ്കടിയില് വിഎച്ച്പി ഉടമസ്ഥതയിലുള്ള ഓഡിറ്റോയത്തില് നടന്ന ബാക്കുട സേവാസമാജം കേരള – കര്ണാടക സമ്മേളനത്തിലാണ് മുഖ്യാതിഥിയായി മുസ്ലിംലീഗ് എംഎല്എ പങ്കെടുത്തത്.
ആര്എസ്എസ് നേതാക്കളായ ഹെഡ്ഗേവാര്, ഗോള്വാക്കര്എന്നിവരുടെ ചിത്രങ്ങള് വേദിയുടെ പശ്ചാത്തലത്തിലുണ്ട്. സംഘപരിവാര് പരിപാടികള് മാത്രമാണ് ഇവിടെ നടക്കാറുള്ളത്. ഇതറിഞ്ഞിട്ടും എംഎല്എ പങ്കെടുത്തതിനെതിരെ പ്രതിഷേധമുയര്ന്നു. ഇത് സമൂഹമാധ്യമങ്ങളില് വൈറലാകുകയുംചെയ്തു. ആര്എസ്എസ്സിന്റെയല്ല സമുദായ സംഘടനയുടെ പരിപാടിയിലാണ് പങ്കെടുത്തതെന്നാണ് എംഎല്എയുടെ വാദം. തന്റെ ഫോട്ടോ മോര്ഫുചെയ്താണ് സമൂഹമാധ്യമങ്ങളില് പ്രചരിപ്പിക്കുന്നതെന്നും ജില്ലാ പോലീസ് മേധാവിക്ക് പരാതി നല്കിയിട്ടുണ്ടെന്നും എല്എല്എ പറഞ്ഞു.
