ആലപ്പുഴ : ജനങ്ങളെ ഭിന്നിപ്പിക്കാനാണ് ആര്.എസ്.എസും എസ്.ഡി.പി.ഐയും ശ്രമിക്കുന്നതെന്നും ഇതിനായി ചോര വീഴ്ത്തുന്ന കാര്യത്തില് ഇരുസംഘടനകളും ഒരുമിച്ചാണെന്നും സി.പി.ഐ ദേശീയ സെക്രട്ടേറിയറ്റ് അംഗം ബിനോയ് വിശ്വം എം.പി. വര്ഗീയ രാഷ്ട്രീയ കൊലപാതകങ്ങള്ക്കെതിരെ യുവജന പ്രതിരോധം’ മുദ്രാവാക്യമുയര്ത്തി എ.ഐ.വൈ.എഫ് ആലപ്പുഴയില് സംഘടിപ്പിച്ച മാനവസൗഹാര്ദ റാലിയും സംഗമവും ഉദ്ഘാടനം ചെയ്യുകയായിരുന്നു അദ്ദേഹം.
ഛത്തിസ്ഗഢിലെയും അസമിലെയുംപോലെ കവാത്ത് മറക്കുന്ന സേനയായി കേരള പോലീസ് മാറാന് പാടില്ലെന്ന് ബിനോയ് വിശ്വം പറഞ്ഞു. എ.ഐ.വൈ.എഫ് ജില്ല പ്രസിഡന്റ് രഞ്ജിത്ത് അധ്യക്ഷത വഹിച്ചു. സംസ്ഥാന സെക്രട്ടറി ടി.ടി. ജിസ്മോന്, സി.പി.ഐ ജില്ല സെക്രട്ടറി ടി.ജെ. ആഞ്ചലോസ്, വയലാര് ശരത്ചന്ദ്രവര്മ, പി.വി. സത്യനേശന്, എം.കെ. ഉത്തമന്, ജി. കൃഷ്ണപ്രസാദ്, പി.എസ്.എം. ഹുസൈന്, ഇ.കെ. ജയന്, യു. അമല്, അസ്ലം ഷാ എന്നിവര് സംസാരിച്ചു. ജില്ല സെക്രട്ടറി സനൂപ് കുഞ്ഞുമോന് സ്വാഗതവും എം. കണ്ണന് നന്ദിയും പറഞ്ഞു. മാനവസൗഹാര്ദ റാലിയും നടന്നു.
