കണ്ണൂര്: പയ്യന്നൂരില് നിരവധി കേസുകളിലെ പ്രതിയായ ആര്.എസ്. എസ് പ്രവര്ത്തകനെ കാപ്പ ചുമത്തി ജയിലില് അടച്ചു. ആര്. എസ്. എസ് പ്രവര്ത്തകനും മുന് പയ്യന്നൂര് താലൂക്ക് കാര്യവാഹകുമായ ആലക്കാട് ബിജുവെന്ന കാനാമീത്തലെ വീട്ടില് ബിജുവിനെയാ(44)ണ് പെരിങ്ങോം പോലീസ് ജയിലില് അടച്ചത്. എട്ടോളം കേസുകളിലെ പ്രതിയായ ബിജുവിനെതിരെ കാപ്പചുമത്തുന്നതിനായി പെരിങ്ങോം ഇന്സ്പെക്ടര് പി.സുഭാഷ് റിപ്പോര്ട്ട് ചെയ്തിരുന്നു. ഈ വിവരമറിഞ്ഞ ബിജു കാപ്പ ട്രിബ്യൂണിലിനെ സമീപിച്ചുവെങ്കിലും ഇയാളുടെ വാദം തള്ളുകയായിരുന്നു. ഇതേ തുടര്ന്നാണ് ബിജുവിനെ അറസ്റ്റു ചെയ്തു കോടതിയില് ഹാജരാക്കി ജയിലില് അടച്ചത്.
പയ്യന്നൂരിലെ സിപിഎം പ്രവര്ത്തകന് കുന്നരുവിലെ ധനരാജ് വധക്കേസിലെ പ്രതിയായ ഇയാള് വധശ്രമം ഉള്പ്പെടെ മറ്റു നിരവധി ക്രിമിനല് കേസുകളിലും പ്രതിയാണ്. കഴിഞ്ഞ ജനുവരിയില് വീട്ടില്വച്ച് ബോംബ് നിര്മ്മിക്കുന്നതിനിടേ ഉണ്ടായ സ്ഫോടനത്തില് ഇയാളുടെ കൈപ്പത്തി തകര്ന്നിരുന്നു. ബിജുവിന്റെ വീട്ടില് വച്ച് ഉണ്ടായ മറ്റൊരു സ്ഫോടനത്തില് സ്വന്തം അമ്മയ്ക്കടക്കം പരിക്കേറ്റിരുന്നു.
