പത്തനംതിട്ട : ശബരിമലയിലെ പുതിയ മേല്ശാന്തിയായി തെരഞ്ഞെടുക്കപ്പെട്ട മാവേലിക്കര തട്ടാരമ്പലം കണ്ടിയൂര് കളീയ്ക്കല് മഠം (നീലമന ഇല്ലം) എന്.പരമേശ്വരന് നമ്പൂതിരി (49) ഹരിപ്പാട്, ചെട്ടികുളങ്ങര, പമ്പ മഹാഗണപതി ക്ഷേത്രം എന്നീ പ്രധാന ക്ഷേത്രങ്ങളില് മേല്ശാന്തിയായിരുന്നിട്ടുണ്ട്. നിലവില് ഏവൂര് ശ്രീകൃഷ്ണ സ്വാമി ക്ഷേത്രത്തിലെ മേല്ശാന്തിയാണ്. പരേതനായ നാരായണന് നമ്പൂതിരിയുടെയും സുഭദ്ര അന്തര്ജനത്തിന്റെയും മകനാണ്.
ഭാര്യ : പൈവള്ളിക്കല് ഇല്ലം ഉമാദേവി അന്തര്ജനം (അധ്യാപിക, മാവേലിക്കര ഇന്ഫന്റ് ജീസസ് സ്കൂള്) മക്കള് : നാരായണന് നമ്പൂതിരി (ഐഐടി വിദ്യാര്ഥി കര്ണാടക), വിഷ്ണു നമ്പൂതിരി (ഡിഗ്രി വിദ്യാര്ഥി മാവേലിക്കര ബിഷപ് മൂര്). മാളികപ്പുറം മേല്ശാന്തിയായി കോഴിക്കോട് കല്ലായി ഋഷി നിവാസില് കുറുവക്കാട്ട് ഇല്ലത്ത് ശംഭു നമ്പൂതിരിയെ തിരഞ്ഞെടുത്തു. പന്തളം കൊട്ടാരത്തില് നിന്ന് എത്തുന്ന 10 വയസ്സിന് മുകളില് പ്രായമുള്ള രണ്ട് ആണ്കുട്ടികളാണ് നറുക്ക് എടുത്തത്.
