തിരുവനന്തപുരം: ശബരിമലയില് ഭക്തരുടെ എണ്ണം കുറച്ചുകൂടി കൂട്ടാമെന്ന് അഭിപ്രായപ്പെട്ട് ദേവസ്വംബോര്ഡ് പ്രസിഡന്റ് എന്.വാസു. നിലവിലെ എണ്ണത്തില് നിന്ന് നേരിയ വര്ദ്ധന മാത്രമേ ഉണ്ടാകും. ബോര്ഡ് തീരുമാനം സര്ക്കാരിനെ അറിയിച്ചു. എന്നാല് വര്ദ്ധിപ്പിക്കാവുന്ന എണ്ണം സര്ക്കാരാണ് തീരുമാനിക്കേണ്ടതെന്നും ദേവസ്വംബോര്ഡ് പ്രസിഡന്റ് പറഞ്ഞു. ഇതില് തീരുമാനം നാളെയുണ്ടാകും. തീരുമാനശേഷം വെര്ച്വല് ക്യൂ ബുക്കിംഗ് തുടങ്ങും.
ഇന്നലെവരെ നിലയ്ക്കലില് നടത്തിയ പരിശോധനയില് 37 പേര്ക്കാണ് കൊവിഡ് സ്ഥിരീകരിച്ചത്. 13529 പേരാണ് ഇതുവരെ ശബരിമലയില് ദര്ശനം നടത്തിയത്. സന്നിധാനത്ത് ഡ്യൂട്ടിനോക്കിയ ഒന്പത് പേര്ക്ക് ഇതുവരെ കൊവിഡ് സ്ഥിരീകരിച്ചു. എന്നാല് ആശങ്കപ്പെടാനുളള സാഹചര്യമില്ല. ദേവസ്വം പ്രസിഡന്റ് അറിയിച്ചു.
