തിരുവനന്തപുരം : ശബരിമലയില് ഭക്തര്ക്ക് ദേവസ്വം ബോര്ഡ് കൂടുതല് ഇളവുകള് പ്രഖ്യാപിച്ചു. മണ്ഡല – മകരവിളക്ക് ഉത്സവത്തിന്റെ ഭാഗമായാണ് പുതിയ ഇളവുകള് പ്രഖ്യാപിച്ചത്. ദര്ശനം നടത്തുന്ന പ്രതിദിന ഭക്തരുടെ എണ്ണം 60,000 ആയി ഉയര്ത്താനും തീരുമാനിച്ചിട്ടുണ്ട്. രാവിലെ ഏഴ് മണി മുതല് 12 മണി വരെ ഭക്തര്ക്ക് നേരിട്ട് നെയ്യഭിഷേകം നടത്താന് അനുമതി നല്കാന് തീരുമാനിച്ചതായും ദേവസ്വം വകുപ്പ് അറിയിച്ചു. കൊവിഡ് മാനദണ്ഡങ്ങള് പാലിച്ചു കൊണ്ട് തീര്ത്ഥാടകര്ക്കായി കാനനപാത വഴിയുള്ള യാത്ര അനുവദിക്കാനും തീരുമാനിച്ചിട്ടുണ്ട്. അരവണപ്പായസത്തിന്റെ ലഭ്യതക്കുറവ് പരിഹരിക്കുന്നതിന് പുതിയ ടെന്ഡര് വഴി കരാര് നല്കിയതായും ദേവസ്വം വകുപ്പ് മന്ത്രിയുടെ ഓഫീസില് നിന്ന് അറിയിച്ചു.
