ശബരിമല : ഭണ്ഡാരത്തില് നിന്നും പണം കവര്ന്ന സംഭവത്തില് ദേവസ്വം ജീവനക്കാരന് പിടിയിലായി. ശബരിമലയിലെ കാണിയ്ക്കപ്പണം എണ്ണിത്തിട്ടപ്പെടുത്തുന്ന ജോലിയില് ഏര്പ്പെട്ടിരുന്ന ചങ്ങനാശേരി സബ് ഗ്രൂപ്പിലെ കഴകം ജീവനക്കാരനായ ഉണ്ണിയാണ് ഇന്നുച്ചയോടെ ദേവസ്വം വിജിലന്സിന്റെ പിടിയിലായത്. കാണിയ്ക്ക എണ്ണിയ ശേഷം പുറത്തിറങ്ങുന്നതിനിടെ നടത്തിയ പരിശോധനയിലാണ് മടിക്കുത്തില് ഒളിപ്പിച്ച നിലയില് 3500 രൂപ ഇയാളില് നിന്നും പിടികൂടിയത്. ഇയാളെ സന്നിധാനം പോലീസിന് കൈമാറി.
