പത്തനംതിട്ട : ശബരിമല സന്നിധാനം, വലിയ നടപ്പന്തല്‍, ചന്ദ്രാനന്ദന്‍ റോഡ് എന്നിവിടങ്ങളില്‍ പ്ലാസ്റ്റിക് മാലിന്യവും ജൈവ മാലിന്യവും വേര്‍തിരിച്ച് സംസ്‌കരിക്കുന്നതിനായി ശേഖരിക്കുന്നതിന് ദേവസ്വം ബോര്‍ഡ് ഇരട്ട ബിന്‍ സംവിധാനം ഏര്‍പ്പെടുത്തി. ഇതിനായി ഈ സ്ഥലങ്ങളില്‍ മാത്രം 162 വേസ്റ്റ് ബിന്നുകളാണ് ( 81 ജോഡി ) ക്രമീകരിച്ചിട്ടുള്ളത്. ഓരോ ബിന്നുകളിലും പ്ലാസ്റ്റിക് മാലിന്യം, ജൈവ മാലിന്യം എന്നിങ്ങനെ പ്രത്യേകം പേരുകള്‍ എഴുതിയാണ് സ്ഥാപിച്ചിട്ടുള്ളത്. സന്നിധാനത്ത് 90 (45 ജോഡി) ബിന്നുകളും നടപ്പന്തലില്‍ 32 എണ്ണവും (16 ജോഡി), നടപ്പന്തല്‍ മുതല്‍ മരക്കൂട്ടം വരെ 40 (20 ജോഡി) ബിന്നുകളുമാണ് സ്ഥാപിച്ചിരിക്കുന്നത്.
