ശബരിമല : മണ്ഡലകാല ഉത്സവത്തിന്റെ സമാപനത്തിന് മുന്നോടിയായി വര്ഷങ്ങളായി തുടരുന്ന ആചാരത്തിന്റെ ഭാഗമായി പന്തള രാജപ്രതിനിധികള് ശബരിമലയില് ദര്ശനം നടത്തി. രാജപ്രതിനിധികളായ പ്രദീപ് കുമാര് വര്മ്മ, സുരേഷ് വര്മ്മ എന്നിവരാണ് ശബരിമലയിലെത്തിയത്.
ശബരിമലയില് നടന്ന കളഭാഭിഷേകത്തില് പങ്കടുക്കുകയും തന്ത്രി കണ്ഠരര് രാജീവരില് നിന്നും പ്രസാദം ഏറ്റുവാങ്ങുകയും ചെയ്തു. തുടര്ന്ന് രാജപ്രതിനിധികള് ശബരിമല ക്ഷേത്ര തന്ത്രി കണ്ഠരര് രാജീവര്, ശബരിമല മേല്ശാന്തി വി.കെ. ജയരാജ് പോറ്റി, കീഴ്ശാന്തിക്കാര്, കഴകക്കാര് തുടങ്ങി വിവിധ വിഭാഗത്തില് ശബരിമല ക്ഷേത്രവുമായി ബന്ധപ്പെട്ടവര്ക്ക് ആചാരപരമായി നല്കിവരുന്ന ഉപഹാര സമര്പ്പണവും നടത്തി. ബുധനാഴ്ച രാവിലെ ഇവര് മടങ്ങും.