ആലപ്പുഴ : ഭിന്നശേഷിക്കാരെ ചേര്ത്തു നിര്ത്തുകയും അവരുടെ ക്ഷേമം ഉറപ്പാക്കുകയും ചെയ്യുന്ന സമീപനമാണ് സംസ്ഥാന സര്ക്കാര് സ്വീകരിച്ചിരിക്കുന്നതെന്ന് ഫിഷറീസ്-സാംസ്കാരിക വകുപ്പ് മന്ത്രി സജി ചെറിയാന് പറഞ്ഞു. മുതുകുളം ബ്ലോക്ക് പഞ്ചായത്തില് ഭിന്നശേഷിക്കാര്ക്കായുള്ള സൈഡ് വീല് ഘടിപ്പിച്ച സ്കൂട്ടര് വിതരണം ഉദ്ഘാടനം ചെയ്യുകയായിരുന്നു അദ്ദേഹം. ഭിന്നശേഷി വിഭാഗത്തില്പ്പെടുന്ന കുട്ടികള്ക്കായി പരിശീലന കേന്ദ്രങ്ങള് സ്ഥാപിക്കുന്നത് ഉള്പ്പെടെയുള്ള പദ്ധതികള് സര്ക്കാര് നടപ്പാക്കുന്നുണ്ട്. ചെങ്ങന്നൂരില് ഇത്തരം ഒരു പരിശീലന കേന്ദ്രത്തിന്റെ നിര്മ്മാണം പുരോഗമിച്ചു വരികയാണ്- മന്ത്രി പറഞ്ഞു.
ചടങ്ങില് പാലിയേറ്റീവ് കെയര് ഉപകരണങ്ങളുടെയും ആവാസ് പ്ലസ് ഭവന നിര്മ്മാണത്തിന്റെ ആദ്യ ഗഡു വിതരണത്തിന്റെയും ഉദ്ഘാടനം മന്ത്രി നിര്വഹിച്ചു. മുതുകുളം ബ്ലോക്ക് പഞ്ചായത്തിന്റെ 2021-22 വാര്ഷിക പദ്ധതിയില് ഉള്പ്പെടുത്തിയാണ് പദ്ധതികള് നടപ്പാക്കുന്നത്. യു. പ്രതിഭ എംഎല്എ. അധ്യക്ഷത വഹിച്ചു.
ലളിതകലാ അക്കാദമി സെക്രട്ടറിയായി നിയമിതനായ ബാലമുരളി കൃഷ്ണയെ ചടങ്ങില് ആദരിച്ചു.മുതുകുളം ബ്ലോക്ക് പഞ്ചായത്ത് പ്രസിഡന്റ് അംബുജാക്ഷി ടീച്ചര്, ജില്ലാ പഞ്ചായത്ത് വികസന കാര്യ സ്റ്റാന്ഡിങ് കമ്മിറ്റി ചെയര്പേഴ്സണ് എ. ശോഭ, വിവിധ ഗ്രാമപഞ്ചായത്ത് പ്രസിഡന്റുമാര്, ശിശു വികസന ഓഫിസര് എല്. ലക്ഷ്മി, ജനപ്രതിനിധികള്, ഉദ്യോഗസ്ഥര് തുടങ്ങിയവര് പങ്കെടുത്തു.
