ചെങ്ങന്നൂർ: ന്യൂഡൽഹിയിലെ റിപ്പബ്ലിക്ക്ദിന പരേഡിൽ പങ്കെടുക്കാൻ കുറ്റൂർ സ്വദേശിയും. കുറ്റൂർ തൃക്കയ്യിൽ സജു ഭവനത്തിൽ എസ് സതീശന്റെയും ഇന്ദിരയുടെയും മകൻ എസ്. സജുവിനാണ് ഈ ഭാഗ്യം സിദ്ധിച്ചത്.
തിരുവല്ലാ മാർത്തോമ്മാ കോളേജിൽ ബി.എ സാമ്പത്തിക ശാസ്ത്രം വിഭാഗം രണ്ടാംവർഷ വിദ്യാർത്ഥി ആണ് സജു.
കോളേജിലെ നാഷണൽ സർവീസ് സ്കീം പ്രവർത്തകനാണ്. ഇതിലൂടെയാണ് സജുവിന് പരേഡിൽ പങ്കെടുക്കുവാൻ അവസരം ലഭിച്ചത്. കേരളത്തിൽ നിന്ന് തെരഞ്ഞെടുക്കപ്പെട്ട 10 പേരിൽ ഒരാൾ ആണ് എസ്.സജു. ജനുവരി ഒന്നു മുതൽ ഇൻഡ്യൻ മിലിട്ടറി അക്കാദമി ( I M A) പരിശീലകരുടെ കിഴിൽ പരിശീലനം നേടി വരുകയാണ് സജു . 23-ന് പ്രധാനമന്ത്രി നരേന്ദ്ര മോഡിയുടെ ചായസൽക്കാരത്തിനും ക്ഷണമുണ്ടായിരുന്നു.
