വെൺമണി : കാർഷിക – വ്യാവസായിക – വിദ്യാഭ്യാസ മേഖലകളിലെ വികസനം കൊണ്ടേ നാട് പുരോഗതി പ്രാപിക്കുകയുള്ളൂവെന്ന് ഭക്ഷ്യ മന്ത്രി പി. തിലോത്തമൻ പറഞ്ഞു. ഒരു വർഷം നീണ്ടു നിന്ന വെൺമണി വൈ.എം.സി.എയുടെ സുവർണ്ണ ജൂബിലിയാഘോഷങ്ങളുടെ സമാപന സമ്മേളനം ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. വൈ.എം.സി.എ സമൂഹത്തിന് നൽകുന്ന വിവിധ സേവനങ്ങളെ മന്ത്രി പ്രശംസിച്ചു. ലൈഫ് പദ്ധതിയിൽ ഇതിനകം രണ്ടു ലക്ഷം വീടുകളുടെ പണി പൂർത്തീകരിച്ചതായും മന്തി പറഞ്ഞു.
വെൺമണി സെഹിയോൻ മാർത്തോമ്മാ പാരീഷ് ഹാളിൽ ചേർന്ന യോഗത്തിൽ പ്രസിഡണ്ട് അലക്സ് ഇടിക്കുള അദ്ധ്യക്ഷത വഹിച്ചു. വൈ.എം.സി.എ ദേശീയ പ്രസിഡന്റ് ജസ്റ്റീസ് ബഞ്ചമിൻ കോശി മുഖ്യ പ്രഭാഷണം നടത്തി. ബസാലേൽ റമ്പാൻ അനുഗ്രഹ പ്രഭാഷണം നിർവ്വഹിച്ചു. ചടങ്ങിൽ വെൺമണി വൈ.എം.സി.എയുടെ ആദ്യകാല നേതാക്കൾ, മികച്ച കർഷകർ, മികച്ച കൃഷി ഓഫീസർമാർ, വിവിധ പുരസ്കാര ജേതാക്കൾ എന്നിവരെ ആദരിച്ചു. റവ. വി.ടി ജോസൻ , റവ.കെ.ജി ഫീലിപ്പോസ്, പി.ഉമ്മൻ, സുനിൽ പി.ജോർജ്ജ്, അനിയൻ കോളൂത്ര എന്നിവർ പ്രസംഗിച്ചു. ഇതോടനുബന്ധിച്ച് മഴവിൽ മനോരമ സ്റ്റാർ സിംഗർ ഫെയിം ജയദീഷ് ടീമിന്റെ ഗാനമേളയും ഉണ്ടായിരുന്നു.
