തിരുവനന്തപുരം : കെഎസ്ആര്ടിസി ജീവനക്കാരുടെ കുടിശ്ശിക ശമ്പള വിതരണം ഇന്നലെ രാത്രിയോടുകൂടി പൂര്ത്തിയായി. എല്ലാ ജീവനക്കാരുടേയും അക്കൗണ്ടുകളിലേക്ക് രാത്രി തന്നെ പണമെത്തി. ശമ്പള കുടിശ്ശിക തീര്ക്കാന് സംസ്ഥാന സര്ക്കാര് 100 കോടി രൂപ കെഎസ്ആര്ടിസിക്ക് വേണ്ടി അനുവദിച്ചിരുന്നു. മുഖ്യമന്ത്രി പിണറായി വിജയന് ഉറപ്പ് നല്കിയിരുന്നത് പ്രകാരം ഓണത്തിന്ന് മുന്പ് തന്നെ കെഎസ്ആര്ടിസി ജീവനക്കാരുടെ അക്കൗണ്ടുകളില് ശമ്പളം എത്തി.
സര്ക്കാര് അധികമായി അനുവദിച്ച 100 കോടി രൂപ ഉപയോഗിച്ചാണ് കുടിശ്ശിക തീര്ത്തത്. രാത്രിയോടെ തന്നെ എല്ലാ ജീവനക്കാരുടേയും അക്കൗണ്ടില് ശമ്പളം എത്തിയിരുന്നു. ജൂലൈ മാസസത്തെ 25% കുടിശ്ശികയും ഓഗസ്റ്റിലെ ശമ്പളവുമാണ് നല്കിയത് സെപ്റ്റംബര് ഏഴു മുതല് ഈ മാസം 11 വരെ അവധിയായതിനാലാണ് ദ്രുത ഗതിയില് സര്ക്കാര് ശമ്പളം വിതരണം ചെയ്തത്. കെഎസ്ആര്ടിസിക്ക് സര്ക്കാര് നല്കുന്ന സഹായം ഒന്നാം തീയതി തന്നെ കൈമാറുമെന്ന് മുഖ്യമന്ത്രി പിണറായി വിജയന് കഴിഞ്ഞ ദിവസത്തെ ചര്ച്ചയില് അറിയിച്ചിരുന്നു. എല്ലാ മാസവും 5 ന് മുന്പ് ശമ്പളം ലഭ്യമാക്കുമെന്നും ചര്ച്ചയില് മുഖ്യമന്ത്രി ഉറപ്പു നല്കി.
