വയനാട് : കല്പ്പറ്റയില് ലഹരി വില്പ്പന നടത്താന് ലക്ഷ്യമിട്ട് എത്തിയ യുവതി ഉള്പ്പെടെയുള്ള സംഘത്തെ നാട്ടുകാര് തടഞ്ഞുവെച്ച്പോലീസില് ഏല്പ്പിച്ചു. പനമരം ചങ്ങാടക്കടവിലാണ് സംഭവം. ചെറുപൊതികളിലാക്കി നിലയില് കഞ്ചാവും പിടിച്ചെടുത്തിട്ടുണ്ട്. സംഭവത്തില് നിലമ്പൂര് വണ്ടൂര് ചന്തുള്ളി അല് അമീന് (30), പച്ചിലക്കാട് കായക്കല് ഷനുബ് (21), പച്ചിലക്കാട് കായക്കല് തസ്ലീന(35) എന്നിവരെയാണ് പനമരം പോലീസ് അറസ്റ്റ് ചെയ്തു.
ഇവരുടെ കാറില് നിന്ന് 53 ഗ്രാം കഞ്ചാവാണ് അന്വേഷണ സംഘം കണ്ടെടുത്തത്. പനമരത്തും പരിസരപ്രദേശങ്ങളിലുമുള്ള വിദ്യാര്ത്ഥികളടക്കമുള്ളവര്ക്ക് കഞ്ചാവ് വില്ക്കുന്ന സംഘമാണിവരെന്ന് നാട്ടുകാര് ആരോപിച്ചു. ഇക്കാര്യം പോലീസ് വിശദമായി അന്വേഷിച്ചു വരികയാണ്.