തിരുവനന്തപുരം: രാഹുല് ഗാന്ധി നയിക്കുന്ന ഭാരത് ജോഡോ യാത്രയെ പരിഹസിച്ച് മുഖ്യമന്ത്രി പിണറായി വിജയന്. കേരളത്തില് 19 ദിവസം നടത്തുന്ന യാത്ര ബിജെപി ശക്തി കേന്ദ്രങ്ങളില് കുറവ് യാത്ര നടത്തുന്നതിനെതിരെയാണ് മുഖ്യമന്ത്രിയുടെ വിമര്ശനം. വിമര്ശ നങ്ങള് ഉയര്ന്നതിന് പിന്നാലെ ഉത്തര്പ്രദേശിലെ യാത്ര 4 ദിവസമാക്കി ഉയര്ത്തിയിരുന്നു. ഇതിനെയും മുഖ്യമന്ത്രി പരിഹസിച്ചു.
മുഖ്യമന്ത്രി പറഞ്ഞത് : ഇപ്പോള് നടക്കുന്ന പദയാത്രയുടെ കാര്യം മാത്രം ആലോചിച്ചാല് മതി. കേരളത്തില് 19 ദിവസം. ഉത്തര്പ്രദേശില് ആദ്യം നിശ്ചയിച്ചത് രണ്ട് ദിവസം. എന്തൊരു.. എന്താണിത്. എല്ലാ ഭാഗത്ത് നിന്നും വിമര്ശനം വന്നു. ഞങ്ങള് മാത്രമല്ല. എല്ലാ വിഭാഗവും. അതോടെ ഉടന് വര്ധിപ്പിച്ചു. നാല് ദിവസം. ഇവിടെ 19, അവിടെ നാല്. അവിടെ ബിജെപിയില് നിന്ന് മുക്തമായോ. എവിടെയാണോ ബിജെപി ഏറ്റവും കരുത്തോടെയുള്ളത്. അവിടെ എന്ത് ചെയ്യുന്നു. എന്ത് പ്രചരണം നടത്തുന്നു. ഇതാണ് പ്രശ്നം.” ഭാരത് ജോഡോ യാത്രയുടെ പ്രചരണബാനറില് വിഡി സവര്ക്കറുടെ ഫോട്ടോ ഉള്പ്പെടുത്തിയതിനെയും മുഖ്യമന്ത്രി വിമര്ശിച്ചു. ആര്എസ്എസും ബിജെപിയും ഉയര്ത്തുന്ന പ്രചരണത്തിലാണ് കോണ്ഗ്രസ് മനസ് എന്നാണ് സംഭവത്തെ കാണിക്കുന്നത്. അതിന്റെ ഭാഗമായിട്ടാണ് സ്വാതന്ത്ര്യസമര ദേശാഭിമാനികളുടെ പട്ടികയില് സവര്ക്കറെ ചേര്ക്കാന് കോണ്ഗ്രസ് മനസ് ആലുവയില് തയ്യാറായതെന്നും അതില് ആശ്ചര്യം വേണ്ടെന്നും മുഖ്യമന്ത്രി പറഞ്ഞു.
മുഖ്യമന്ത്രി നടത്തിയ വിമര്ശനങ്ങള്: ”കുറച്ച് അപ്പുറത്താണ് ആലുവ. ഒരു നേതാവിന്റെ പദയാത്ര വരുന്നുണ്ട്. ആ പദയാത്രയെ സ്വീകരിക്കാന് വെച്ച പോസ്റ്ററുകളില് ചന്ദ്രശേഖര് ആസാദിന്റെ അടുത്താണ് സവര്ക്കരുടെ പടം വെച്ചത്. എന്ത് വ്യത്യാസം. വര്ത്തമാനകാല ഇന്ത്യയില് ആര്എസ്എസും ബിജെപിയും ഉയര്ത്തുന്ന പ്രചരണത്തിലാണ് കോണ്ഗ്രസ് മനസ് എന്നാണിത് കാണിക്കുന്നത്. അതിന്റെ ഭാഗമായിട്ടാണ് സ്വാതന്ത്ര്യസമര ദേശാഭിമാനികളുടെ പട്ടികയില് സവര്ക്കറെ ചേര്ക്കാന് കോണ്ഗ്രസ് മനസ് ആലുവയില് തയ്യാറായത്. ഇതില് ആശ്ചര്യപ്പെടേണ്ട. ഇപ്പോള് കോണ്ഗ്രസിന്റെ പല നേതാക്കള്, എഐസിസി നേതാക്കള് കേന്ദ്രമന്ത്രിമാര്, മുഖ്യമന്ത്രിമാര്, അങ്ങനെ പല പ്രധാനികള് ബിജെപിക്ക് അകത്താണ്. ബിജെപിയുടെ നേതൃനിരയിലാണ്. ഭരണരംഗത്താണ്. ഇതില് പ്രായവ്യത്യാസമൊന്നുമില്ല. ഏറ്റവും ഒടുവില് ഗോവയില് കണ്ടില്ലേ. ഇതാണ് രാജ്യത്ത് ഇന്നുള്ള അവസ്ഥ.”
