മലപ്പുറം : പെണ്കുട്ടിയെ അപമാനിച്ച സമസ്ത നേതാവിനെതിരെ വിമര്ശനങ്ങളുമായി നിരവധി പേര് രംഗത്ത്. പത്താം ക്ലാസ് വിദ്യാര്ത്ഥിനിക്ക് സ്റ്റേജില് നിന്ന് മടങ്ങി പോകേണ്ടി വന്നത് സമസ്ത നേതാവിന്റെ ശാസന മൂലമാണെന്ന് നടന് ഹരീഷ് പേരടി. ഫേസ്ബുക്ക് കുറിപ്പിലൂടെയാണ് അദ്ദേഹം പ്രതികരിച്ചത്. എല്ഡിഎഫിനും യുഡിഎഫിനും സമസ്തയുടെ വോട്ട് തൃക്കാക്കരയില് ഞങ്ങള്ക്കുവേണ്ടാ എന്ന് പറയാനുള്ള നട്ടെല്ലുണ്ടോയെന്നും അദ്ദേഹം ചോദിച്ചു. സ്വന്തം മതത്തിലെ പത്താം ക്ലാസുകാരിയെ അപമാനിക്കുന്ന ഒന്നാം ക്ലാസ്സില് പോകാത്ത ഈ മുസ്ലിയാരെയും തള്ളി പറയണമെന്നും അദ്ദേഹം കുറിച്ചു.
ഫേസ്ബുക്ക് കുറിപ്പിന്റെ പൂര്ണരൂപം:
പെണ്കുട്ടിയെ അവാര്ഡ് വാങ്ങാന് സ്റ്റേജിലേക്ക് ക്ഷണിച്ചതിന്റെ പേരില് സംഘാടകര്ക്ക് സമസ്ത നേതാവിന്റെ ശാസന. മലപ്പുറം രാമപുരത്തിനടുത്ത് പാതിരമണ്ണിലാണ് മുതിര്ന്ന നേതാവ് എം.ടി അബ്ദുല്ല മുസലിയാര് ശാസിച്ചതിനെ തുടര്ന്ന് പത്താം ക്ലാസ് വിദ്യാര്ത്ഥിനിക്ക് സ്റ്റേജില് നിന്ന് മടങ്ങി പോവേണ്ടി വന്നത്. ഇതിന്റെ ദൃശ്യങ്ങളാണ് സമൂഹമാധ്യമങ്ങളില് ഇപ്പോള് പ്രചരിച്ചുകൊണ്ടിരിക്കുന്നതും…..എല്ഡിഎഫിനും യുഡിഎഫിനും സമസ്തയുടെ വോട്ട് തൃക്കാക്കരയില് ഞങ്ങള്ക്കുവേണ്ടാ എന്ന് പറയാനുള്ള നട്ടെല്ലുണ്ടോ?
യുപിയിലെ യോഗിയെ വിമര്ശിച്ചാല് മാത്രം പുരോഗമന വാദികള് ആകില്ല …സ്വന്തം മതത്തിലെ പത്താം ക്ലാസുകാരിയെ അപമാനിക്കുന്ന ഒന്നാം ക്ലാസ്സില് പോകാത്ത ഈ മുസലിയാരെയും തള്ളി പറയണം.. അതാണ് പുരോഗമനം…മുന്നോട്ടുള്ള കുതിപ്പ്… എബടെ?… കേരളം.. കേരളം.. കേളികൊട്ടുയരുന്ന കേരളം..