ദില്ലി: ദില്ലി പോലീസിന്റേത് പ്രതികാര നടപടിയെന്ന് സത്യപാല് മാലിക്. അറസ്റ്റ് തന്നെയാണ് നടന്നതെന്നും മുന് ജമ്മുകശ്മീര് ഗവര്ണര് പ്രതികരിച്ചു. തെരഞ്ഞെടുപ്പ് വരെ ഇത്തരം പ്രവണതകള് തുടരുമെന്നും അദ്ദേഹം പറഞ്ഞു. അതേസമയം തന്റെ പക്കല് ഇനിയും തെളിവുകള് ഏറെയുണ്ട്. സാങ്കേതികമായി അറസ്റ്റ് അല്ലെങ്കിലും ദില്ലി പോലീസ് അറസ്റ്റിന് സമാനമായ നിലയില് പിടിച്ചുവെക്കുകയായിരുന്നു. അത് അറസ്റ്റല്ലാതെ എന്താണ്. സിബിഐ തന്നെ വിളിപ്പിച്ചത് ചോദ്യം ചെയ്യാനല്ലെന്നും ചില രേഖകള് തേടിയാണെന്നും അദ്ദേഹം വ്യക്തമാക്കി.
സത്യപാല് മാലിക്കിന് പിന്തുണ പ്രഖ്യാപിച്ച് ആര്കെ പുരത്ത് ഖാപ് പഞ്ചായത്ത് യോഗം ചേരാനിരിക്കെയായിരുന്നു അറസ്റ്റ് എന്നായിരുന്നു റിപ്പോര്ട്ടുകള്. ഇതിലും വലിയ യോഗം ഹരിയാനയില് നടക്കുമെന്നും അതിലും താന് പങ്കെടുക്കുമെന്നും സത്യപാല് മാലിക് അറിയിച്ചു. സത്യപാല് മാലിക് പോലീസ് സ്റ്റേഷനില് നിന്നും മടങ്ങി.
