ഉഴവൂര് : സിപിഐ ഉഴവൂര് ലോക്കല് കമ്മറ്റിയുടെ നേതൃത്വത്തില് വിലക്കയറ്റത്തില് പ്രതിഷേധിച്ച് ഉഴവൂര് ടൗണ് ഓപ്പണ് സ്റ്റേജില് സായാഹ്ന ധര്ണ്ണ സംഘടിപ്പിച്ചു. മരുന്നു നിര്മ്മാണത്തിനുപയോഗിക്കുന്ന 871 രാസ ഘടകങ്ങളുടെ വില 10 % കേന്ദ്ര സര്ക്കാര് വര്ദ്ധിപ്പിച്ചതിലൂടെ 25000 ല് പരം ജീവന് രക്ഷാ മരുന്നുകള്ക്ക് വില വര്ദ്ധിച്ചിരിക്കുന്നു.
പാരസെറ്റാമോള്, ആന്റിബയോട്ടിക്കുകള്, പ്രമേഹം, ഹൃദ്രോഗം, വിറ്റാമിന് ഗുളികള് എന്നിവക്കെല്ലാം വലിയ തോതില് വില വര്ദ്ധിച്ചിരിക്കുന്നു. ഒപ്പം പെട്രോള്, ഡീസല്, മണ്ണെണ്ണ, പാചക വാതകം തുടങ്ങിയവയ്ക്കെല്ലാം വില വര്ദ്ധിച്ചതിലൂടെ സാധാരണ ജനങ്ങളെ പ്രകടമായി ബാധിക്കുന്ന ആവശ്യ സാധനങ്ങള്ക്കെല്ലാം വില വര്ദ്ധിക്കുകയും ജനജീവിതം ദുസ്സഹമാവുകയും ചെയ്തിരിക്കുന്നതായി ധര്ണ്ണ ഉദ്ഘാടനം ചെയ്ത സഖാവ് സണ്ണി ആനാലില് പറഞ്ഞു. ലോക്കല് സെക്രട്ടറി വിനോദ് പുളിക്കനിരപ്പേല് അധ്യക്ഷത വഹിച്ചു. ലൂക്കോസ് പനച്ചാംകുടിലില്, റോയി തെനംകുഴിയില്, അബ്രാഹം കാറത്താനത്ത്, സ്റ്റീഫന് ചെട്ടിക്കന്, സജി കുഴിപ്പില്, ബിജു കപ്പട, ഷിബു പി.ആര്. എന്നിവര് പ്രസംഗിച്ചു.
