ന്യൂഡല്ഹി : കോടതി നടപടി മൊബൈലില് ചിത്രീകരിക്കുന്നത് ഗുരുതര പ്രശ്നമല്ലെന്ന നിരീക്ഷണവുമായി സുപ്രീംകോടതി. കോടതിക്കുള്ളില് മൊബൈല് ഉപയോഗിക്കരുതെന്ന് ഹെക്കോടതിയിലേതടക്കം ജഡ്ജിമാര് തന്നോട് നിര്ദേശിച്ചിട്ടുണ്ടെന്ന് ഒരു കേസിന്റെ വാദത്തിനിടയില് മുതിര്ന്ന അഭിഭാഷകന് വിജയ് ഹന്സാരിയ പറഞ്ഞപ്പോള് ജസ്റ്റിസ് ഡി.വൈ ചന്ദ്രചൂഡാണ് ഈ നിരീക്ഷണം നടത്തിയത്. തുറന്നകോടതിയില് ജഡ്ജിമാര് പറയുന്നത് ചിത്രീകരിക്കുന്നതില് പ്രശ്നമില്ല. എന്നാല്, ജഡ്ജിമാര് തമ്മില് നടത്തുന്ന ചര്ച്ചകള് ഇത്തരത്തില് എടുക്കരുതെന്ന മുന്നറിയിപ്പും അദ്ദേഹം നല്കി.
