ന്യൂഡല്ഹി : വിദ്യാഭ്യാസസ്ഥാപനങ്ങള് തുടങ്ങാനുള്ള അവകാശത്തിന് നിയന്ത്രണങ്ങള് ഏര്പ്പെടുത്താമെന്ന് സുപ്രീംകോടതി. അക്കാദമിക് നിലവാരവും അടിസ്ഥാനസൗകര്യങ്ങളും ഉറപ്പാക്കുക, കെടുകാര്യസ്ഥത തടയുക തുടങ്ങിയ പൊതുജന താല്പര്യങ്ങള് മുന്നിര്ത്തി നിയന്ത്രണങ്ങള് ഏര്പ്പെടുത്താമെന്ന് ജസ്റ്റിസ് എല്.നാഗേശ്വരറാവു അധ്യക്ഷനായ ബെഞ്ച് ചൂണ്ടിക്കാട്ടി. ഡെന്റല് കൗണ്സില് ഓഫ് ഇന്ത്യ, പുതിയ കോളേജുകളും കോഴ്സുകളും തുടങ്ങാനുള്ള നിയന്ത്രണങ്ങളില് ഭേദഗതിയിലൂടെ ഉള്പ്പെടുത്തിയ 6 (2) (എച്ച്) ഭേദഗതി ശരിവച്ചാണ് കോടതി നിരീക്ഷണം. നേരത്തെ രാജസ്ഥാന് ഹൈക്കോടതി ഭേദഗതി റദ്ദാക്കിയിരുന്നു. ഇതിനെതിരെ ഡെന്റല് കൗണ്സില് നല്കിയ അപ്പീല് സുപ്രീംകോടതി ശരിവച്ചു.
