കല്ലൂപ്പാറ: പൂർവ്വപിതാക്കൻമാർ കാണിച്ചു തന്ന ദൈവ സ്നേഹത്തിന്റെ വഴിയിൽ ദൈവത്തോട് ചേർന്ന് നടക്കുവാൻ നമ്മുടെ തലമുറകളെ പരിശീലിപ്പിക്കണമെന്ന് അഭിവന്ദ്യ സഖറിയാസ് മാർ അന്തോണിയോസ് മെത്രാപ്പോലീത്ത പറഞ്ഞു. എൺപതാമത് കല്ലൂപ്പാറ ഓർത്തഡോക്സ് കൺവെൻഷൻ ഉദ്ഘാടനം ചെയ്യുകയായിരുന്നു അദ്ദേഹം. തിരുവചനപഠനം ജീവിതത്തിൽ ശീലമാക്കണം. തിരുവചനം കുഞ്ഞുങ്ങളെ പഠിപ്പിക്കുവാൻ പ്രാപ്തരാക്കണം.
കാലികപ്രസക്തമായ ഉദാഹരണങ്ങൾ ആശയം മനസിലാകത്തക്ക രീതിയിൽ വ്യാഖ്യാനമായി ഉപയോഗിക്കണമെന്നും അദ്ദേഹം വ്യക്തമാക്കി. അഭിവന്ദ്യ സഖറിയാസ് മാർ അന്തോണിയോസ് മെത്രാപ്പോലീത്ത മുഖ്യ സന്ദേശം നൽകി. ഡോ.യൂഹാനോൻ മാർ ക്രിസ്റ്റോസ്റ്റമോസ് മെത്രാപ്പോലീത്ത അദ്ധ്യക്ഷത വഹിച്ചു. ഫാ.ജോൺ മാത്യു, ഫാ.സാജു ജേക്കബ്, ഫാ. സി.കെ കുര്യൻ, ഫാ. പി.കെ.ഗീവർഗീസ്, ഫാ. വർഗീസ് ജോൺ , ഫാ.തോമസ് പാറക്കടവിൽ , ഫാ. അനൂപ് വർഗീസ്, വിജോയി പുത്തോട്ടിൽ എന്നിവർ പ്രസംഗിച്ചു.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
