പത്തനംതിട്ട : ജില്ലയിലെ ഹൈസ്‌ക്കൂള്‍, ഹയര്‍സെക്കണ്ടറി, വി.എച്ച്.എസ് തുടങ്ങിയ വിദ്യാലയങ്ങളിലെ കെട്ടിടങ്ങളുടെ അറ്റകുറ്റപ്പണികള്‍ ഉള്‍പ്പെടെയുളള പ്രോജക്ടുകളെപ്പറ്റി ചര്‍ച്ച ചെയ്യാന്‍ ജില്ലാ പഞ്ചായത്തിന്റെ നേതൃത്വത്തില്‍ അവലോകനയോഗം ചേര്‍ന്നു. ഈ വര്‍ഷത്തെ പദ്ധതിയില്‍ ഉള്‍പ്പെടുത്തി വിദ്യാഭ്യാസമേഖലയില്‍ നിശ്ചയിച്ചിട്ടുളള പ്രോജക്ടുകള്‍ സമയബന്ധിതമായി പൂര്‍ത്തീകരിക്കണമെന്ന് യോഗം തീരുമാനിച്ചു.
ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര്‍ ശങ്കരന്‍ അധ്യക്ഷത വഹിച്ച യോഗത്തില്‍ ജില്ലാ പഞ്ചായത്ത് വൈസ് പ്രസിഡന്റ് രാജി പി. രാജപ്പന്‍, വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ ആര്‍. അജയകുമാര്‍, ജില്ലാ പഞ്ചായത്ത് അംഗങ്ങളായ ബീനാപ്രഭ, ലേഖാ സുരേഷ്, ജിജോ മോഡി, റോബിന്‍ പീറ്റര്‍, കൃഷ്ണകുമാര്‍, ലതാകുമാരി, ജസി അലക്സ്, വിദ്യാഭ്യാസ ഡെപ്യൂട്ടി ഡയറക്ടര്‍ ബീനാറാണി. കെ.എസ്, ഹയര്‍സെക്കന്ററി റീജിയണല്‍ ഡെപ്യൂട്ടി ഡയറക്ടര്‍ എസ്.ഉഷ, തിരുവല്ല ഡി.ഇ.ഒ പി.ആര്‍ പ്രസീന, പത്തനംതിട്ട ഡി.ഇ.ഒ എം.എസ് രേണുകാഭായി എ.ഇ.ഒമാര്‍, ജില്ലയിലെ 47 സ്‌കൂളുകളിലെ പ്രഥമാധ്യാപകര്‍ തുടങ്ങിയവര്‍ പങ്കെടുത്തു.
