കോഴിക്കോട്: കോഴിക്കോട് കെട്ടിടനിര്മാണത്തിന് വേണ്ടിയെടുത്ത കുഴിയിലെ വെള്ളത്തില് വീണ് ആറാംക്ലാസ് വിദ്യാര്ത്ഥി മരിച്ചു. മുക്കം മണാശ്ശേരി നെടുമങ്ങാട് സുനില്കുമാറിന്റെ മകന് കാശിനാഥന് ആണ് മരണപ്പെട്ടത്. കൂട്ടുകാരോടൊപ്പം കളി കഴിഞ്ഞ് വൈകീട്ട് വീട്ടിലേക്ക് മടങ്ങുന്ന വഴിയാണ് കുട്ടി അപകടത്തില്പെട്ടത്. ഏറെ നേരം കഴിഞ്ഞും മകന് തിരിച്ചെത്താത്തതിനെ തുടര്ന്ന് വീട്ടുകാരും നാട്ടുകാരും തിരച്ചിലിലായിരുന്നു മരിച്ച നിലയില് കണ്ടെത്തിയത്.
ഒന്പതു മണിയോടെയാണ് വീടിന് തൊട്ടടുത്ത് പണി പുരോഗമിക്കുന്ന കെട്ടിടത്തിലെ വെള്ളക്കെട്ടില് വീണു കിടക്കുന്നതായി കണ്ടെത്തിയത്. ഇതിനു സമീപത്തു കുട്ടിയുടെ ചെരിപ്പ് കണ്ടതിനെ തുടര്ന്നുള്ള തിരച്ചിലിലാണ് കുട്ടിയെ കണ്ടെത്തിയത്. ഉടന് മണാശ്ശേരി സ്വകാര്യ മെഡിക്കല് കോളേജില് എത്തിച്ചെങ്കിലും ജീവന് രക്ഷിക്കാനായില്ല.
