തിരുവനന്തപുരം: സ്കൂളുകളില് ക്ലാസ് സമയം വൈകിട്ട് നാലുമണി വരെയാക്കാന് തീരുമാനം. വിദ്യാഭ്യാസ മന്ത്രിയുടെ അധ്യക്ഷതയില് ചേര്ന്ന യോഗത്തിലാണ് ഇതുസംബന്ധിച്ച് തീരുമാനമെടുത്തത്. നിലവില് ഉച്ചവരെയാണ് ക്ലാസ്. കോവിഡ് സാഹചര്യത്തില് ഷിഫ്റ്റ് അടിസ്ഥാനത്തില് ഇടവിട്ട ദിവസങ്ങളിലാണ് മിക്ക സ്കൂളുകളിലും ക്ലാസ് നടക്കുന്നത്.
അധ്യന സമയം വളരെ കുറഞ്ഞത് വിദ്യാര്ഥികളെ കാര്യമായി ബാധിക്കുന്നുണ്ട്. ഈ സാഹചര്യത്തിലാണ് സ്കൂള് സമയം വൈകിട്ടുവരെയാക്കാന് തീരുമാനിച്ചത്. മുഖ്യമന്ത്രിയുടെ അനുമതി ലഭിച്ചശേഷമായിരിക്കും ഇത് ഔദ്യോഗികമായി പ്രഖ്യാപിക്കുക.
പ്ലസ് വണ്ണിന് 50 താല്ക്കാലിക ബാച്ചുകള് അധികമായി അനുവദിക്കാനും വിദ്യാഭ്യാസമന്ത്രിയുടെ അധ്യക്ഷതയില് ചേര്ന്ന യോഗത്തില് തീരുമാനമായി.
