പന്തീരാങ്കാവ് : ജല് ജീവന് പദ്ധതിക്കായി എടുത്ത റോഡിലെ കുഴിയില് ഇരുചക്ര വാഹനം കുടുങ്ങി അപകടം. ബൈപ്പാസ് റോഡ് അത്താണിക്ക് സമീപം പന്തീരാങ്കാവ് പഴയറോഡില്വെച്ചാണ് സ്കൂട്ടര് രണ്ടായി പിളര്ന്നത്. ചാലിക്കര സ്വദേശി അസീം അന്സാറാണ് അപകടത്തില്പെട്ടത്. ശനിയാഴ്ച ഉച്ചയ്ക്ക് 12 മണിയോടെയായിരുന്നു സംഭവം. അപകടത്തില് ഇരുചക്ര വാഹനം രണ്ടായി പിളരുകയായിരുന്നു. അസീം നിസ്സാരപരുക്കുകളോട് രക്ഷപെട്ടു. മറ്റു വാഹനങ്ങള്ക്കും കേടുപാടുകള് പറ്റിയിട്ടുണ്ട്. കുറച്ച് ദിവസങ്ങള്ക്കു മുമ്പാണ് ഇവിടെ ഓട്ടോറിക്ഷ മറിഞ്ഞത്.
കുടിവെള്ള പദ്ധതിയുടെ ഭാഗമായി എടുത്ത കുഴിയാണ് ഇപ്പോള് വലിയ കിടങ്ങായി മാറിയിരിക്കുന്നത്. കിടങ്ങു നികത്താനായി വലിയ കരിങ്കല്ലുകള് ഇട്ടത് വലിയ അപകടമായി. അടുത്തിടെയായി കുഴികളടച്ചിരുന്നെങ്കിലും മഴ ശക്തമായതോടെ കിടങ്ങിന്റെ ആഴം കൂടുകയായിരുന്നു.