പീരുമേട് : മഴ കനക്കുമ്പോള് തോട്ടം ലയങ്ങളില് ഭീതിയുടെ ദിനങ്ങളാണ്. തകര്ന്ന ഭിത്തിയും ചോര്ന്നൊലിക്കുന്ന മേല്ക്കൂരയുമുള്ളവയാണ് പല ലയങ്ങളും. കനത്ത മഴയും കാറ്റുമുള്ള ദിവസങ്ങളില് ഉറക്കമില്ലാത്ത രാത്രികളാണ് ഇവര്ക്ക്. പോബ്സ് തോട്ടം, കോഴിക്കാനം, വാഗമണ് എം.എം.ജെ, ബഥേല് തുടങ്ങിയ തോട്ടങ്ങളിലെ ആയിരക്കണക്കിന് തൊഴിലാളികളാണ് ദുരിതത്തില് കഴിയുന്നത്.
പോബ്സ് തോട്ടത്തിലെ മേലഴുത, പഴയ പാമ്പനാര് എന്നിവിടങ്ങളിലെ ലയങ്ങള് നിലംപൊത്തുന്ന സ്ഥിതിയിലാണ്. ബ്രിട്ടീഷുകാര് തോട്ടം ആരംഭിച്ചപ്പോള് നിര്മിച്ച ലയങ്ങളിലാണ് തൊഴിലാളികള് ഇപ്പോഴും താമസിക്കുന്നത്. നാലു തലമുറകളിലധികമായി കുടുംബങ്ങള് ഇവിടെ കഴിയുന്നു. വാഗമണ്ണിലെ എം.എം.ജെ തോട്ടത്തിലെ ലയങ്ങളും ശോച്യാവസ്ഥയിലാണ്. കുടിവെള്ള വിതരണം മിക്ക ലയങ്ങളിലുമില്ല. മലിനജലം ഒഴുകുന്നതും ലയങ്ങള്ക്ക് മുന്നിലൂടെയാണ്.
