മല്ലപ്പള്ളി : വൈദ്യുതി കേബിള് ഇളകി വീണ് സ്കൂട്ടര് യാത്രികര്ക്ക് പരിക്ക്. വായ്പൂര് ജങ്ഷന് സമീപം വൈദ്യുതി കടത്തിവിട്ടിരുന്ന ഏരിയല് ബഞ്ച് കേബിള് തൂണില്നിന്ന് ഇളകി വീണു. തിങ്കളാഴ്ച രാവിലെ 11ഓടെ മല്ലപ്പള്ളി സബ് സ്റ്റേഷനില്നിന്ന് കഴിഞ്ഞ മാസം ചുങ്കപ്പാറയിലേക്ക് വലിച്ച കേബിളാണ് കൂട്ടിയോജിപ്പിച്ച ഭാഗംവിട്ട് ഇളകിവീണത്. ഇതേസമയം റോഡില് സ്കൂട്ടറില് യാത്ര ചെയ്തിരുന്ന അമ്മയും മകനും വാഹനത്തിന്റെ നിയന്ത്രണംവിട്ട് മറിഞ്ഞ് പരിക്കേറ്റു. ഏരിയല് ബഞ്ച് കേബിള് നേരിട്ട് ദേഹത്ത് പതിക്കാതിരുന്നതിനാല് വലിയൊരു അപകടം ഒഴിവായത്.
