പെരുനാട്ടില്‍ ഇരുചക്രവാഹനം കത്തിച്ചു

റാന്നി : പെരുനാട്ടില്‍ ഇരുചക്രവാഹനം കത്തിച്ചു. പെരുനാട് ഗ്രാമപഞ്ചായത്ത് പതിനാലാം വാർഡ് കക്കാട് കോട്ടുപാറ നാല് സെന്റ് കോളനിയിലെ മണിയുടെ സ്കൂട്ടി വാഹനമാണ് അഗ്നിക്കിരയാക്കിയത്. ഇന്നലെ രാത്രി 11 മണിയോടെയായിരുന്നു സംഭവം. രാത്രി മദ്യപിച്ചെത്തിയ രണ്ടുപേര്‍ ഫോൺ വിളിച്ച് വീടിനു വെളിയിൽ വരാൻ ആവശ്യപ്പെട്ടുവെന്നും അതിനു തുനിയാതിരുന്നതിനാല്‍ വാഹനം കത്തിക്കുകയായിരുന്നുവെന്നും പരാതിയില്‍ പറയുന്നു. ജോലി സംബന്ധമായ ചില തർക്കങ്ങള്‍ ഇന്നലെ പകൽ ഉണ്ടായിരുന്നു. ഇതിന്റെ വൈരാഗ്യം തീര്‍ക്കാനാണ് അവര്‍ രാത്രിയില്‍ വീട്ടില്‍ വന്നതെന്നും മണി പോലീസില്‍ നല്‍കിയ പരാതിയില്‍ പറയുന്നു. പെരുനാട് പോലീസ് കേസെടുത്ത് അന്വേഷണം ആരംഭിച്ചു.