പത്തനംതിട്ട : പത്തനംതിട്ട ഡിപ്പോയിൽ നിന്ന് ഗവിയിലേക്ക് കെ.എസ്.ആർ.ടി.സി രണ്ടാമത്തെ സർവീസ് തുടങ്ങും. ഞായർ മുതലാണ് സര്വീസ് തുടങ്ങുക. രാവിലെ 5.30ന് പത്തനംതിട്ടയിൽനിന്നു പുറപ്പെട്ട് ഗവി വഴി 11.30ന് കുമളിയിലെത്തും. അവിടെ നിന്ന് 12.30ന് പുറപ്പെട്ട് വൈകിട്ട് 6.30ന് തിരിച്ച് പത്തനംതിട്ടയിൽ എത്തുന്ന വിധത്തിലാണ് സമയക്രമം.
ഞായറാഴ്ച 10ന് കെഎസ്ആർടിസി ഡിപ്പോയിൽ മന്ത്രി വീണാ ജോർജ് പുതിയ സർവീസിന്റെ ഉദ്ഘാടനം നിർവഹിക്കും. ഗവിയിലേക്ക് രണ്ടാമത് ഒരു ബസ് കൂടി തുടങ്ങാൻ കെഎസ്ആർടിസി ക്രമീകരണങ്ങൾ നടത്തിയെങ്കിലും വനം വകുപ്പിന്റെ അനുമതി കിട്ടാതെ പോയിയിരുന്നു. മന്ത്രി വീണാ ജോർജ് ഇടപെട്ടാണ് രണ്ടാമത്തെ ബസ് സർവീസിനുള്ള അനുമതി വനംവകുപ്പിൽ നിന്നു ലഭ്യമാക്കിയത്.
