പഴവങ്ങാടി ഗ്രാമപഞ്ചായത്ത് കിഴങ്ങുവർഗങ്ങളുടെ വിത്തുവിതരണം നടത്തി

റാന്നി : പഴവങ്ങാടി ഗ്രാമപഞ്ചായത്ത് 2021- 22 വർഷത്തെ ജനകീയാസൂത്രണ പദ്ധതിയിൽ ഉൾപ്പെട്ട നടീൽ വസ്തുക്കൾ ആയ കിഴങ്ങുവർഗങ്ങളുടെ വിത്തുവിതരണം നടത്തി. ഗ്രാമപഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം ചെയ്തു. ഗ്രാമപഞ്ചായത്ത് അംഗങ്ങളായ ബ്രില്ലി ബോബി എബ്രഹാം, ഷൈനി പുളിക്കൽ, കൃഷി ഓഫീസർ മുത്തുസ്വാമി, കൃഷി അസിസ്റ്റന്റ് ഹരി, സൂസന്‍മാത്യു എന്നിവർ പ്രസംഗിച്ചു. പദ്ധതിയുമായി ബന്ധപ്പെട്ട് ഗ്രാമപഞ്ചായത്തിൽ അപേക്ഷ നൽകിയ ഗുണഭോക്തൃ ലിസ്റ്റിൽ പേരുള്ള ആളുകൾ കൃഷിഭവനുമായി ബന്ധപ്പെട്ട് കിറ്റുകൾ കൈപ്പറ്റണമെന്ന് കൃഷി ഓഫീസര്‍ അറിയിച്ചു.