പത്തനംതിട്ട : സീതത്തോട് സഹകരണ ബാങ്കിലെ സാമ്പത്തിക ക്രമക്കേടുമായി ബന്ധപ്പെട്ട് ബാങ്ക് സെക്രട്ടറിയും സി.പി.എം ലോക്കല്‍ കമ്മറ്റിയംഗവുമായ കെ.യു ജോസിനെ പാര്‍ട്ടിയില്‍ നിന്ന് പുറത്താക്കി. ബാങ്കിലെ സാമ്പത്തിക ക്രമക്കേടുകളില്‍ ജോസിന്റെ ഭാഗത്ത് നിന്ന് ഗുരുതര വീഴ്ചയുണ്ടായെന്നാണ് സി.പി.എം വിലയിരുത്തല്‍.
ആങ്ങമുഴി ലോക്കല്‍ കമ്മറ്റിയംഗവും സീതത്തോട് മുന്‍ ലോക്കല്‍ സെക്രട്ടറിയും പഞ്ചായത്ത് അംഗവുമാണ് ജോസ്. 2018 മുതല്‍ ഇയാള്‍ സീതത്തോട് സഹകരണ ബാങ്കിന്റെ സെക്രട്ടറിയായി പ്രവര്‍ത്തിച്ചുവരികയായിരുന്നു.
